პროფესიული განათლების წარმატებული შედეგები — ზუგდიდის აკადემიის მორიგი გამოშვება

კურსის დასკვნით ეტაპზე მონაწილეებმა წარმატებით გაიარეს ზეპირი გასაუბრება და შესაბამის კომისიას მაღალპროფესიული და შთამბეჭდავი პრაქტიკული ნამუშევრები წარუდგინეს. საგანმანათლებლო პროცესი მაღალკვალიფიციური სპეციალისტების ხელმძღვანელობით მიმდინარეობდა:

თეორიული ნაწილი: ნინო ზარანდია და ნინო გადელია

პრაქტიკული ნაწილი: მარინე ხურცია და ელენე ყურაშვილი

პროგრამის პრაქტიკული კომპონენტი რეალურ სამუშაო გარემოში, პარტნიორ ბაზებზე — შპს „სილამაზის სტუდიოსა“ და ინდ. მეწარმე მარინე ხურციას სილამაზის სალონში განხორციელდა, რამაც მსმენელებს პროფესიული უნარების სრულყოფილად ათვისების შესაძლებლობა მისცა.

მსმენელთა, კომისიის წევრთა და პროგრამის განმახორციელებელთა შეხვედრა და კურსის დასრულება საზეიმო ვითარებაში აღინიშნა.

ვულოცავთ თითოეულ კურსდამთავრებულს ამ მნიშვნელოვან ეტაპს და ვუსურვებთ ენთუზიაზმითა და ახალი მიღწევებით სავსე პროფესიულ გზას!