📌 „საინფორმაციო შეხვედრა ტუბერკულიოზის პრევენციისა და ჯანსაღი ცხოვრების წესის პოპულარიზაციისთვის — საზოგადოებრივი კოლეჯი ზუგდიდის აკადემია“.

ტუბერკულიოზისა და ფილტვის დაავადებათა ეროვნული ცენტრის წარმომადგენლებმა საზოგადოებრივ კოლეჯ ზუგდიდის აკადემიაში ჩაატარეს საინფორმაციო შეხვედრა კოლეჯის ადმინისტრაციის წარმომადგენლებთან და პროფესიულ სტუდენტებთან. შეხვედრის ფარგლებში გაიმართა ტრენინგი, რომლის მიზანი იყო მოსახლეობის ინფორმირებულობის ამაღლება ტუბერკულიოზის პრევენციის, დიაგნოსტიკისა და მკურნალობის საკითხებზე. ტრენინგის მსვლელობისას ყურადღება გამახვილდა შემდეგ თემებზე:

ტუბერკულიოზის გავრცელების გზები და რისკფაქტორები;

დაავადების სიმპტომები და ადრეული დიაგნოსტიკის მნიშვნელობა;

მკურნალობის მეთოდები და მნიშვნელობა მისი სწორი და სრული კურსით ჩატარების;

საზოგადოებრივი პასუხისმგებლობა და სტიგმის შემცირების გზები;

შეხვედრა ინტერაქტიულ ფორმატში წარიმართა — მონაწილეებს ჰქონდათ შესაძლებლობა დაესვათ შეკითხვები და მიეღოთ ამომწურავი პასუხები სპეციალისტებისგან. მსგავსი საგანმანათლებლო ინიციატივები ხელს უწყობს ჯანსაღი ცხოვრების წესის დანერგვას და საზოგადოებაში ინფექციური დაავადებების პრევენციის კულტურის გაღრმავებას.